125 milyon avroluq transferdən ilk məhsuldar hərəkət
"Real" İspaniya La Liqasının 6-cı turunda səfərdə “Elçe”ni çətinliklə məğlub edib – 3:2.
Sports.az xarici KİV-ə istinadən xəbər verir ki, "kral klubu"nun 19 yaşlı vingeri Yan Diomande ikinci dəfə ardıcıl olaraq start heyətində meydana çıxıb və demək olar ki, matçın tamamında oynayıb.
Oyunun 4-cü dəqiqəsində sarı vərəqə alan Fil Dişi Sahilindən olan futbolçu sonradan komandasına fayda verməyi bacarıb. Diomande 33-cü dəqiqədə Kilian Mbappeyə məhsuldar ötürmə edib. Bu, onun “Leyptsiq”dən “Real”a keçdikdən sonra ilk məhsuldar hərəkəti olub.
Madrid klubu Diomandeni ötən yay 125 milyon avroya transfer edib. Bu, “Real” tarixində Çud Bellingemdən (127 milyon avro) sonra ikinci ən bahalı transferdir.
Diomande “Real”ın heyətində 7 oyunda meydana çıxıb və 1 məhsuldar ötürmə verib.
