40 milyon avroluq təklif rədd edildi
“Liverpul” “Barselona”nın yarımmüdafiəçisi Frenki de Yonqla maraqlanır.
Sports.az “El Nacional”-a istinadən xəbər verir ki, Mersisayd klubu niderlandlı futbolçu üçün “Barselona”ya 40 milyon avro təklif edib. Ancaq Kataloniya təmsilçisi bu təklifi rədd edib.
Bununla belə, “Barselona”nın De Yonqu satmaq variantını nəzərdən keçirə biləcəyi bildirilir. Klubun 29 yaşlı yarımmüdafiəçini yalnız 70 milyon avroluq təklif qarşılığında buraxmağa hazır olduğu qeyd olunur.
De Yonq zədə səbəbindən bu mövsüm hələ heç bir oyunda meydana çıxmayıb və hazırda müalicəsini davam etdirir.
Niderlandlı futbolçunun “Barselona” ilə müqaviləsinin müddəti 2029-cu ilin yayına qədərdir. “Transfermarkt” portalı onun dəyərini 35 milyon avro qiymətləndirir.
"Barselona" "Sabah"ın UEFA Çempionlar Liqasının əsas mərhələsində rəqiblərindən biridir. Tərəflər noyabrın 25-də Bakıdakı Olimpiya stadionunda üz-üzə gələcəklər.
