Agenti Feliksin istəyini "Barselona"ya çatdırıb
Səudiyyə Ərəbistanının “Əl-Nəsr” klubunun hücumçusu Joao Feliks “Barselona”ya qayıtmaq istəyir.
Sports.az xəbər verir ki, bu barədə “Diario Sport” məlumat yayıb.
Portuqaliyalı forvard “Əl-Nəsr”lə müqaviləsini yeniləməkdən imtina etmək və gələn yay “Barselona”ya azad agent kimi keçmək niyyətindədir. Bildirilir ki, futbolçunun agenti artıq Kataloniya klubuna Feliksin istəyini çatdırıb.
Feliks daha əvvəl Avropaya qayıtmaq və UEFA Çempionlar Liqasında oynamaq istədiyini açıq şəkildə bildirib. Bununla belə, hazırda onunla “Barselona” arasında danışıqlar aparılmır.
2023/24 mövsümündə icarə əsasında “Barselona”da çıxış edən Feliks 44 oyunda 10 qol vurub və 6 məhsuldar ötürmə verib.
“Barselona” Çempionlar Liqasının əsas mərhələsinin 5-ci turunda, noyabrın 25-də Bakıdakı Olimpiya stadionunda “Sabah”ın qonağı olacaq.
