MY "Sabah"ın rəqibinin müdafiəçisini "qaralayıb"
“Barselona”nın müdafiəçisi Alexandro Balde qış transfer dövründə “Mançester Yunayted”ə keçə bilər.
Sports.az xarici KİV-ə istinadən xəbər verir ki, “qırmızı şeytanlar”ın 22 yaşlı futbolçunu transfer etmək şansları yaydan sonra xeyli artıb. Buna səbəb Baldenin cari mövsümdə demək olar ki, oyun praktikası qazanmamasıdır.
İspaniyalı müdafiəçi əvvəllər “Barselona”dan ayrılmaq variantını nəzərdən keçirmirdi. Ancaq bu mövsüm İspaniya çempionatında cəmi 1 oyunda meydana çıxan futbolçunun gələcəyi ilə bağlı mövqeyinin dəyişdiyi bildirilir.
Baldenin “Barselona” ilə müqaviləsinin müddəti 2028-ci ilin yayına qədərdir. “Transfermarkt” müdafiəçinin bazar dəyərini 50 milyon avro qiymətləndirir. Onun komandası UEFA Çempionlar Liqasının əsas mərhələsinin 5-ci turunda, noyabrın 25-də Bakıdakı Olimpiya stadionunda “Sabah”ın qonağı olacaq.
