Kundeni bezdirən iradlar

“Barselona”nın və Fransa millisinin müdafiəçisi Jül Kunde sosial şəbəkədə ingilis dilindən istifadə etməsi ilə bağlı tənqidlərə münasibət bildirib.
Fransalı futbolçu “Snapchat” platformasında ona irad bildirən istifadəçiyə cavab verib. Həmin şəxs Kundeyə “Bizi ingilisdilli etməyə çalışmağı dayandır” yazıb.
Sports.az xarici KİV-ə istinadən xəbər verir ki, 27 yaşlı müdafiəçi bu cür iradlardan bezdiyini və fransızların ingilis dilindən istifadə edən insanlara görə kompleks keçirməməli olduğunu vurğulayıb:
“Bu cür mesajları tez-tez alıram, ona görə də cavab vermək istəyirəm. Fransızların ingiliscə danışan insanlara görə inciməyi və ya kompleks keçirməyi dayandırmasının vaxtı çatıb.
İngilis dili dünyada ən geniş yayılmış dildir. Üstəlik, kino, musiqi, biznes və bir çox başqa sahələrdə üstünlük təşkil edir.
Bu sahələr mənim xoşuma gəlir və mənə təsir göstərir. Buna görə də dili öyrənmək üçün səy göstərmişəm və ingiliscə danışmaqdan zövq alıram. Ona görə də fransız, ingilis və hətta ispan dilləri arasında keçid etməyə davam edəcəm. Buna alışmalı olacaqsınız”.
Kundenin komandası "Barselona" UEFA Çempionlar Liqasının liqa mərhələsinin 5-ci turunda, noyabrın 25-də Bakıdakı Olimpiya stadionunda "Sabah"ın qonağı olacaq.





























