"Qarabağ"da son durum

UEFA Avropa Liqasının Liqa mərhələsi çərçivəsində sabah "Olimpiakos"la qarşılaşacaq "Qarabağ"ı aparan təyyarə bir azdan Yunanıstana uçacaq.
Saat 11:30-da çarter reysi ilə Qədim Elladaya üz tutacaq komandamızı bu axşam yerli vaxtla 19:40-da mətbuat konfransı, 20:00-da isə oyunöncəsi son məşq gözləyir.
İki gənc qapıçı - U19 millimizdə zədələnmiş Sadiq Məmmədzadə və ötən yay keçirdiyi əməliyyatdan sonra uzun müddətdir müalicə alan Amin Ramazanov istisna olmaqla komandada zədəli futbolçu yoxdu.
Pireydə - Georgios Karaiskakis stadionunda keçiriləcək oyun Bakı vaxtilə saat 00:00-da başlayacaq və İTV ilə canlı yayımlanacaq.
Sonda qeyd edək ki, "Qarabağ" sabahkı oyundan sonra dərhal vətənə dönəcək.