Messi atasız qaldı
Argentina millisinin və “İnter Mayami”nin hücumçusu Lionel Messinin atası Xorxe Messi vəfat edib.
Sports.az xəbər verir ki, bu barədə Argentinanın “Infobae” nəşri məlumat yayıb.
Xorxe Messi 68 yaşında Rosario şəhərindəki klinikalardan birində dünyasını dəyişib. Onun uzun müddət xəstəliklə mübarizə apardığı bildirilib. Xəstəliyin dəqiq nə olduğu isə açıqlanmayıb.
Lionel Messi DÇ-2026-da Əlcəzairlə ilk oyunda (3:0) het-trik etdikdən sonra göz yaşlarını saxlaya bilməmişdi. Argentinalı ulduz daha sonra bunun futbolla əlaqəli olmadığını, son günlərdə çətin anlar yaşadığını bildirmişdi.
Həmin vaxt Xorxe Messinin ciddi xəstə olduğu barədə məlumatlar yayılmışdı. O, Argentina millisinin oyunları zamanı Messinin digər ailə üzvləri ilə birlikdə tribunalarda görünməmişdi.
