"Trabzonspor" baş məşqçisi ilə vidalaşdı
“Trabzonspor”un baş məşqçisi Fatih Tekke ilə yollar ayrılıb.
Sports.az xəbər verir ki, bu barədə klub məlumat yayıb. Klubun vitse-prezidenti Serkan Kılıç və 48 yaşlı mütəxəssis arasında keçirilən görüşdə komandanın hazırkı vəziyyəti və gələcəyi müzakirə olunub. Görüşlərin yekununda tərəflər klubun maraqları və gələcək hədəflər fonunda əməkdaşlığı qarşılıqlı razılaşma əsasında başa çatdırmaq qərarına gəliblər.
Qeyd edək ki, Tekke daha əvvəl UEFA Avropa Liqasının pley-off mərhələsində “Ferentsvaroş”a (0:4) məğlubiyyətdən sonra istefa vermək qərarına gəlmişdi. Lakin klub rəhbərliyi onun istefasını qəbul etməyib və mütəxəssislə əməkdaşlığı davam etdirib.
Bu dəfə isə Türkiyə Superliqasının 3-cü turunda “Amedspor”a 1:2 hesablı məğlubiyyətdən sonra tərəflər yolları ayırmaq qərarına gəliblər.
Qeyd edək ki, Fatih Tekke “Trabzonspor”un baş məşqçisi kimi ümumilikdə 62 oyuna çıxıb və komanda onun rəhbərliyi altında orta hesabla hər oyuna 1,92 xal toplayıb.
