Gürcüstan millisi Azərbaycanda çalışmış məşqçiyə tapşırıldı
Gürcüstan millisinin baş məşqçi postunda dəyişiklik edilib.
Sports.az xəbər verir ki, Gürcüstan Futbol Federasiyası dünən Millətlər Liqasında Şimali İrlandiyaya uduzan milli komandanın baş məşqçisi Villi Sanyolla yolları ayırıb.
Sanyol 2021-ci ildən Gürcüstan yığmasına rəhbərlik edirdi. Komanda onun dövründə – 2024-cü ildə Avropa çempionatının final mərhələsinə vəsiqə qazanıb.
Yığma komanda Ramaz Svanadzeyə tapşırılıb. O, Gürcüstan yığmasını 2028-ci ilə qədər çalışdıracaq.
Svanadaze Bakı "İnter"ində (indiki "Şamaxı") əmisi Zaur Svanadzenin köməkçisi kimi işləyib.
O, daha sonra Gürcüstanın U19 və U21 millilərini çalışdırıb. 2020-ci ildə bir müddət ölkəsinin əsas millisində baş məşqçi əvəzi işləyib.
Svanadze U-21-i iki dəfə Avropa çempionatının final mərhələsinə çıxarıb.
Qeyd edək ki, Revaz Svanadzenin Gürcüstan millisindəki köməkçisi futbolumuzun unudulmaz legionerlərindən biri Georgi Adamiya olacaq.
