“Arsenal”ın fransız sabiq futbolçusu Emmanuel Peti ingilis hücumçu Ceydon Sançonun “Mançester Yunayted”dən “Çelsi”yə keçidini zarafatla ələ salıb.

Sports.az Petinin bu barədə münasibətini təqdim edir:

“Transfer pəncərəsinin son günündə Ceydon Sanço ilə müqavilə imzaladıqlarını görəndə onun üçün forma nömrəsinin qalıb-qalmadığını düşündüm.

Təsəvvür edin ki, o, paltardəyişmə otağının qapısını necə açır və bu qədər oyunçu görür – onların hamısı bir paltardəyişmə otağına sığmır! Onların məşq düşərgəsində iki oyunçu otağı, üç meydança və 12 fizioterapevt olmalıdır”.