Jül Kundenin “Alaves”lə oyunda start heyətdə yer almamasının səbəbi məlum oldu

“Barselona”nın müdafiəçisi Jül Kunde alman baş məşqçi Hans-Diter Flikin cəza tədbiri səbəbindən La Liqanın 9-cu turunun “Alaves”lə səfər oyununda (3:0) başlanğıc heyətində yer almayıb. 

Sports.az xəbər verir ki, fransalı müdafiəçi oyunöncəsi komanda söhbətinə gecikib və Flik onu dəyişmək qərarına gəlib.

Vurğulayaq ki, alman məşqçi Kundenin diqqətli olmayacağı təqdirdə, onu “cəzalandıracağı” barədə futbolçuya artıq xəbərdarlıq etmişdi. Bu dəfə isə Flik əməli fəaliyyətə keçməyi düzgün hesab edib.