Səudiyyə Ərəbistanı Peşəkar Liqası “Real”ın braziliyalı ulduz hücumçusu Vinisius Junioru hələ də ölkəyə cəlb etməyə çalışır.

Sports.az xəbər verir ki, Səudiyyə Ərəbistanı tərəfi 24 yaşlı ulduz futbolçunun yerli çempionatda çıxış etməsini və Peşəkar Liqada oynadığı müddətdə ağır zədələr səbəbindən meydanda ulduz simasını nümayiş etdirməyə macal tapmamış, “Əl-Hilal”ın braziliyalı hücumçusu Neymarı əvəz etməsini istəyir.

Vurğulanır ki, “Əl-Hilal” Neymarla müqaviləsinə vaxtından əvvəl xitam vermək seçimini nəzərdən keçirir.

Xatırladaq ki, bundan əvvəl mətbuatda, Səudiyyə Ərəbistanının Vinisiusu dünyanın ən yüksək ödənişli futbolçusu etməyə hazır olduğu barədə məlumat yayılmışdı.