“Təcrübəmizlə qələbə qazandıq”

"Oyunun ilk yarısından etibarən üstünlüyü ələ alaraq sona qədər davam etdirdik".

Sports.az xəbər verir ki, “Naxçıvan” basketbol komandasının baş məşqçisi Murat Dikmen klubun mətbuat xidmətinə açıqlamasında deyib.

Türkiyəli mütəxəssis “Sabah” üzərində qazanılan qələbəni şərh edib: "Milli komandaların oyunları ilə əlaqədar yaranmış fasilə zamanı bir həftə hazırlaşaraq bu qarşılaşmaya çıxdıq. 3-cü periodda artıq bu hiss olundu. Yorulduq və sadə top itkilərinə yol verdik. Amma yekunda təcrübəmizlə oyuna nəzarətiəlimizə alaraq qələbə qazandıq. Bu gün iki yeni oyunçumuz da yaxşı mübarizə apardı. Əlavə olaraq da Papuna Kritadzeni vurğulamaq istəyərdim. O, Nəzərin zədəsindən sonra oyuna daxil oldu və həqiqətən də yaxşı çıxış etdi. Həm müdafiədə, həm də hücumda yaxşı işlər gördü. Hər zaman dediyim kimi basketbol bir komanda oyunudur. Rəqibimizi də təbrik edirəm. Çox dəyərli komandadır, baş məşqçiləri də həmçinin. Artıq şəxsi görüşlərdəki nəticələrə əsasən yenidən liderik. Ümid edirəm ki, normal mövsümün son 5 matçını da qazanaraq çempionatı lider tamamlayarıq".

Qeyd edək ki, “Naxçıvan” Azərbaycan çempionuna 85:82 hesabı ilə məğlub edib.