\"Sabahkı matça dəvət gözləyirdim\" - Həm \"Neftçi\", həm də \"Beşiktaş\"da oynamış futbolçu
Bir zamanlar Türkiyə futbolunun ən istedadlı gənc futbolçularından sayılan Ali Cansun Begeçarslan həm "Beşiktaş", həm də "Neftçi"nin şərəfini qorumuş bəlkə də, yeganə futbolçudu.
2022/23 mövsümündə 20 yaşında "qara qartallar"ın heyətində Türkiyə çempionluğunu qazanmış hücumçu ilə müsahibə üçün bundan uyğun məqam ola bilməzdi.
Sports.az tanınmış veteran futbolçu Ali Cansun ilə müsahibəni təqdim edir.
- "Neftçi" azarkeşləri üçün sizin harda olmağınız, nə iş görməyiniz maraqlıdı. Klubla əlaqələr qalırmı?
- Doğulduğum İstanbulda yaşayıram, futbol menecerliyi edirəm. Sağ olsunlar, bir dəfə "Neftçi" TV-dən aradılar, müsahibə elədilər. Onlardan başqa klub rəhbərliyindən kimsə məni tanımırdı.
- Azərbaycanda başqa dostlarınız, münasibətləriniz qalıbmı?
- Keçmiş komanda yoldaşlarım - Rəşad Sadıqov, Samir Əliyev, Rail Məlikov, Araz Abdullayev, Georgi Adamiya və Março Dafçevlə arada görüşürük.
- "Neftçi"nin "Beşiktaş"la matçlarını izləyəcəksinizmi?
- Mütləq izləyəcəm, İstanbuldakı oyuna da sözsüz gedəcəm. Bu arada "Neftçi" rəhbərliyindən də Bakıdakı matça dəvət gözləyirdim, açığı...
- "Neftçi" - "Beşiktaş" cütü haqda düşüncələriniz nədi?
- Mənim üçün çox mutluedici bir püşk olmadı, kaş iki komanda qruplarda qarşılaşaydı. Təəssüf ki, 1 takım ələnəcək. Asan oyunlar keçməyəcəyini düşünürəm. Özəlliklə, Bakıdakı ilk görüş ağır alınacaq. "Neftçi" gərək tərəftar dəstəyi, gərəksə də ev sahibi olma üstünlüyünü hərtərəfli istifadə etməyə çalışacaq.
- "Beşiktaş"ın ən təhlükəli cəhəti hansıdı?
- "Qara qartallar"ın hücum gücü çox yaxşıdı. Şenol Günəşin bunda boyük rolu var. Jedson Fernades, Vinsent Abubakar və Cekson Muleka mövsümə əla başlayıblar.
- Keçmiş klublarınızdan hansını favorit görürsünüz?
- Turun favoriti "Beşiktaş"dı. Gözəl, keyifli qarşılaşmalar izləyəcəyimizə ümid edirəm. Azərbaycandaki bütün "Neftçi" tərəfdarlarına sizin vasitənizlə salamlarımı göndərirəm. Onları çox sevirəm.
Anar Şabanoğlu
