Futbol üzrə Azərbaycan Kubokunda 2-ci təsnifat mərhələsinin oyunları keçirilir.

Sports.az xəbər verir ki, bu gün daha 4 oyun baş tutacaq.

“Şamaxı” doğma meydanda “Şəmkir”lə qarşılaşacaq. Bu gün həmçinin “Mingəçevir” – “Zaqatala”, “Qaradağ Lökbatan” – “Karvan” və “Şəfa” – “Difai” oyunları da keçiriləcək.

Mərhələnin əvvəlki oyunlarında "Turan Tovuz" “Hypers Guba”nı 7:2, MOİK "Şimal"ı 3:1, "Araz-Naxçıvan" "Şahdağ Qusar"ı 4:0, "Kəpəz" "Ağdaş"ı 6:0, “Səbail” isə “Dinamo”nu 6:0 hesabı ilə məğlub edib. Tura sabah yekun vurulacaq.

Azərbaycan Kuboku
2-ci təsnifat mərhələsi
30 oktyabr

“Şamaxı” – “Şəmkir”
Hakimlər: Kamran Əliyev, Tərlan Talıbzadə, Kərim Zeynalov, Tural Qurbanov.
Şamaxı şəhər stadionu, 14:00.

“Mingəçevir” – “Zaqatala”
Hakimlər: Şamil İmanzadə, Mirnihat Seyidov, Asif Abdullayev, Samir Hüseynov.
Yaşar Məmmədzadə adına Mingəçevir şəhər stadionu, 14:00.

“Qaradağ Lökbatan” – “Karvan”
Hakimlər: İslam Məmmədov, Elmin Süleymanov, Zakir Şükürzadə, Rauf Allahverdiyev.
Lökbatan Olimpiya İdman Kompleksinin stadionu, 14:00.

“Şəfa” – “Difai”
Hakimlər: Vüqar Həsənli, Aydın Bəxşiyev, Nurlan Əhmədzadə, Rəsul Babayev.
“ASK Arena”, 15:00.