UEFA Avropa Liqasının Liqa mərhələsi çərçivəsində keçiriləcək “Bodo Qlimt" (Norveç) - “Qarabağ” matçını “Aspmyra" stadionunda izləmək və komandamızı dəstəkləmək istəyən azarkeşlər üçün ayrılmış vauçerlər bu gün 14:00-dan etibarən iTicket.az-da onlayn şəkildə satışa çıxarılacaq.

Sports.az xəbər verir ki, azərbaycanlı azarkeşlər əldə etdikləri vauçerləri oyun günü saat 14:00-dan 16:00-a kimi "Scandic Havet" (Address: Tollbugata 5, 8006 Bode, Norge) otelinin məlumat şöbəsinə yaxınlaşaraq biletə dəyişməlidir.

Biletlərin qiyməti 55 AZN-dir.

Vauçerləri əldə edən şəxslər vauçerləri biletə dəyişərkən xahiş olunur ki, şəxsiyyəti təsdiq edən sənəd üzərlərində olsun.

Qeyd edək ki, "Bodo Qlimt" - "Qarabağ" oyunu noyabrın 7-də saat 21:45-də (Bakı vaxtı ilə) start götürəcək.