Bu gün Misli Premyer Liqasında 3-cü turdan təxirə salınmış bir oyun keçiriləcək.

Sports.az xəbər verir ki, “Zirə” doğma meydanda “Araz-Naxçıvan”ı sınağa çəkəcək.

Zirə İdman Kompleksinin stadionunda keçiriləcək qarşılaşmanı Rauf Cabbarov idarə edəcək.

Qeyd edək ki, “Araz-Naxçıvan” hazırda 24 xalla 3-cü, “Zirə” isə 20 xalla 4-cü sırada qərarlaşıb. Bu üzdən də sözügedən komandaların oyununu 6 xallıq matç adlandırmaq olar.

Misli Premyer Liqası
3-cü tur
6 noyabr

“Zirə” - “Araz-Naxçıvan”
Hakimlər: Rauf Cabarov, Eyyub İbrahimov, Asiman Əzizli, Kamran Əliyev.
Zirə İdman Kompleksinin stadionu, 19:00.