Qəbələdə təlim-məşq toplanışında olan Azərbaycan milli komandasının futbolçuları Qəbələ Futbol Akademiyasının yeniyetmə oyunçuları ilə görüşüb.

Sports.az xəbər verir ki, məşqdən sonra baş tutan görüş zamanı millinin futbolçuları yeniyetmələrə top və imzalı formalar hədiyyə ediblər. Sonda xatirə şəkli çəkilib.

Qeyd edək ki, Azərbaycan millisi UEFA Millətlər Liqasının qrup mərhələsi çərçivəsində noyabrın 16-da Qəbələ şəhər stadionunda Estoniya yığması ilə qarşılaşacaq.