Bu gün Misli Premyer Liqasında qış fasiləsi başa çatacaq.

Sports.az xəbər verir ki, 19-cu tura Bakıda keçiriləcək bir oyunla start veriləcək.

Lider “Qarabağ” doğma meydanda “Şamaxı” ilə üz-üzə gələcək. Oyunu FIFA referisi Elçin Məsiyev idarə edəcək.

Turun qalan qarşılaşmaları şənbə və bazar günlərinə təsadüf edəcək. “Zirə” – “Araz-Naxçıvan” və “Sumqayıt” – “Səbail” oyunları sabah, “Kəpəz” – “Turan Tovuz” və “Neftçi” – “Sabah” matçları yanvarın 19-da keçiriləcək.

Misli Premyer Liqası
19-cu tur
17 yanvar

19:00. “Qarabağ” – “Şamaxı”
Hakimlər: Elçin Məsiyev, Pərvin Talıbov, Asiman Əzizli, Fərid Hacıyev.
Tofiq Bəhramov adına Respublika stadionu.