"Araz-Naxçıvan"ın baş məşqçisi Elmar Baxşıyev Misli Premyer Liqasının 19-cu turunda “Zirə”yə qarşı keçirdikləri oyundan sonra fikirlərini bölüşüb.

Sports.az xəbər verir ki, o, 0:1 hesablı məğlubiyyəti belə şərh edib:

"Ağır, mübarizəli oyun oldu. Məğlub olsaq da, bunu faciəyə çevirməməli, növbəti görüşü düşünməli və hazırlaşmalıyıq.

Qara Qarayevi fasilədə əvəzlədik. Düşündük ki, bu şəkildə davam etsə, emosiyalarına hakim ola bilməz. Futbolda belə hallar olur. Hər iki komandanın oyunçuları mübarizədən qopmadılar”.