Türkiyə millisinin sabiq üzvləri - tanınmış mütəxəssislər Fatih Tekke, Tolunay Kafkas və qapıçı məşqçisi Metin Aktaş Azərbaycanda səfərdə olub.

Bundan sonra Türkiyə mediasında tanınmış veteran futbolçu və məşqçi Fatih Tekkenin AFFA-dan təklif alması haqda məlumatlar yayılıb. 

AFFA-nın mətbuat katibi Elnur Məmmədli bununla bağlı Sports.az saytına açıqlamasında bildirib ki, Tekkenin hansısa vəzifəyə təyinatından söhbət getmir:

- Fatih Tekke AFFA-nın dəvətinə əsasən Azərbaycana gəlib. Türkiyəli mütəxəssislə futbolun müxtəlif sahələrinin inkişafına dair fikir mübadiləsi aparılıb. Amma hazırda hansısa bir vəzifəyə təyinatdan söhbət getmir.