Bakıda final anşlaqı
Futbol üzrə dünya çempionatının final matçına bütün dünyada olduğu kimi Azərbaycanda da fantastik maraq var.
Final qarşılaşmasını böyük monitordan izləmək istəyən futbol həvəskarları yerlərini öncədən rezerv edib.
Sports.az saytına Cinema Plus şəbəkəsindən verilən məlumata görə 28 Mall və Gənclik Malldakı kinoteatrlarda oyun canlı yayımlanacaq. Amma bütün biletlər çoxdan satılıb.
Bakının futbol izləmək üçün şəraiti olan bir çox tanınmış restoran və publarında isə bütün stollar rezerv edilib.
O cümlədən, "High Ball", "Beer Hall", "City Pub", "Pivnaya Apteka", "Beerbaşa", "Harbour", "Grenki", "İce Pub", "Paulaner" və bir çox başqa məkanlarda yer tapmaq mümkünsüzdü.
Son dünya çempionu Fransa və Argentina arasında keçiriləcək final matçı bu axşam Bakı vaxtilə saat 19:00-da başlayacaq və İctimai Televiziya vasitəsilə canlı yayımlanacaq.
