“Araz-Naxçıvan” darmadağına sevindi

"Araz-Naxçıvan" klubu təlim-məşq toplanışı çərçivəsində son yoxlama oyununu keçirib.

Sports.az xəbər verir ki, komanda 1-ci Liqa təmsilçisi "Zaqatala" ilə qarşılaşıb.

Bakı Olimpiya Stadionunun ehtiyat meydanında keçirilən görüş Naxçıvan komandasının 4:0 hesablı qələbəsi ilə başa çatıb. Qolları Şarl Boli, Patrik Andrade, Hamidu Keyta və Ülvi İsgəndərov vurublar.

Daha əvvəl "Qəbələ"yə minimal hesabla uduzan "Araz-Naxçıvan" klubun əvəzedici komandasını 7 cavabsız qolla üstələyib.