“Kəpəz”də əlamətdar hadisə
“Kəpəz”in qış təlim-məşq toplanışı çərçivəsində keçirdiyi 2 yoxlama görüşü komanda üçün əlamətdar olub.
Sports.az xəbər verir ki, baş məşqçi Azər Bağırov bu qarşılaşmalarda “Kəpəz”in 10 yetirməsinə şans verib.
“Sarı-göylər”in yetirmələrindən qapıçı Elgün Bayramov, müdafiəçilər Arzu Atakişiyev, Ümid Səmədov, yarımmüdafiəçilər Fərid Kələntərov, Amur Yusifov, Raul İsaqov, Nihad İsaqov, hücumçular Şahnur İsmayılov, Sadiq Şəfiyev və Elxan Məmmədov meydana daxil olublar.
Bu cür hal klubda uzun illərdir qeydə alınmırdı. Sözügedən məqam əsas komanda ilə əvəzedici heyət arasında əlaqələrin daha da möhkəmləndiyini və sistemli işin nəticə verdiyini göstərir.
Azər Bağırov oyunlardan sonra Akademiyadan dəvət olunan futbolçuların gələcəkdə əsas komandanın real namizədləri olacağına inandığını da xüsusi olaraq vurğulayıb.
