“Qarabağ”ın ev oyunundakı uğursuz seriyası 14 ildən sonra təkrarlandı

Misli Premyer Liqasının XVII turunda "Kəpəz"ə doğma meydanda uduzan (0:2) "Qarabağ"ın ev oyunundakı uğursuz seriyası 14 ildən sonra təkrarlanıb.

Sports.az xəbər verir ki, 2011/2012 mövsümündə – 2012-ci il aprelin 22-də "Bakı" səfərdə "köhlən atlar"ı 4:2 hesabı ilə üstələyib. Həmin görüşdən 5025 gün sonra "Kəpəz" eyni fərqlə qələbə qazanıb.

Ağdam təmsilçisinin çempionatdakı ev oyununda qol vurmadan iki və ya daha çox top buraxması isə Qurban Qurbanovun komandadakı debüt mövsümündə yaşanıb.

2008/2009 mövsümündə – 2008-ci il sentyabrın 27-də "Simurq" rəqibini 2:0 hesabı ilə məğlub edib. "Kəpəz" 17 il əvvəlki həmin nəticəni 6328 gündən sonra təkrarlayıb.