“Qələbə qazanmaq istəyirdik” - Füzuli Məmmədov

"Karvan-Yevlax"ın baş məşqçisi Füzuli Məmmədov Premyer Liqanın 23-cü turu çərçivəsində doğma meydanda "Sumqayıt"a qarşı keçirdikləri oyundan sonra fikirlərini bölüşüb.

Sports.az xəbər verir ki, o, 1:1 hesablı heç-heçə barədə bunları söyləyib:

“Maraqlı oyun oldu. İki komanda da meydanda döyüşkən futbol nümayiş etdirdi. Meydanın hər mövqeyində mübarizə getdi. Futbolçuların meydandakı döyüşkənliyi mənim üçün xoşdur. Pis olan odur ki, qapımıza iki penalti təyin olundu. Qapımızı toxunulmaz saxlamaq üçün çox çalışırıq. Oyun ərzində rəqibin elə də qol epizodu olmadı. Cərimə meydançasının içində diqqətsizlik etdik. Keçidlər zamanı yaxşı fürsətlərimiz oldu. Amma onları dəyərləndirə bilmədik. Qələbə qazanmaq istəyirdik. Futbolçular çox istəkli idilər. Onların hər birinə təşəkkür edirəm. Qarşıdakı matçlara hazırlaşacağıq”.