Henrik Mxitaryandan sonra rusiyalı tennisçi Karen Xaçanov da separatçılara dəstək nümayiş etdirib. Özü də “Australian Open” kimi nüfuzlu turnirdə!

AFFA və Tennis Federasiyası hara baxır, nə edir?!

Mxitaryanın birinci şərəfsizliyi deyil bu. Görünən odur ki, həm AFFA, həm də Fransada oturan Elxan Məmmədov bu terroru dəstəkləyən şərəfsizə heç nə edə bilmir və ya etmir...

Rusiyanı beynəlxalq yarışlara buraxmadıqları üçün Karen Xaçanov neytral ölkə təmsilçisi kimi çıxış edir, bununla belə, yenə separatçılığını göstərməkdən çəkinmir.

Tennis Federasiyası da AFFA kimi illərdir, bu idman növünü şəxsi biznesə çevirib. İmkanlı uşaqlardan hər məşqin 1 saatına görə ən azı 50-60 manat alırlar. Amma kasıbın uşağı istedadı olsa da, pulu yoxdursa, bu növlə məşğul ola bilməz.

Ümumiyyətlə, ölkədə bir uşağın pulsuz məşğul olacağı idman növü yoxdur. Varsa da, yalnız kağız üzərindədir. Hamısını şəxsi biznesə çeviriblər. Sonra deyirik ki, niyə uşaq idmanı yoxdur, inkişaf etmir və s...

Gözünü pul örtən bu oliqarxların Mxitaryan, Karen və başqa şərəfsizlərin ölkəmizə qarşı açıq-aşkar düşmən mövqeyinə mane olacağına, ümumiyyətlə, beynəlxalq səviyyədə hansısa reaksiya verəcəklərinə heç bir ümidim yoxdur.

Halbuki, bu, beynəlxalq skandaldır. İdmanı siyasətə qatmaq olmaz. Üstəlik də, separatçıları dəstəkləmək, başqa ölkənin beynəlxalq səviyyədə tanınan ərazilərinə iddia etmək...

Tennis Federasiyası şikayət edib Kareni dərhal “Australian Open”dən qovdura bilər.

Amma nə Tennis Federasiyansından, nə də AFFA-dan nəsə gözləyirəm. Reaksiya olmadıqca başqa dığalar da cəsarətlənib separatçı mövqelərini bütün dünyaya sərgiləməyə, insanları çaşdırmağa davam edəcəklər.

Vaxtında AFFA UEFA-ya, FİFA-ya şikayət edib, Mxitaryanın layiq olduğu cəzanı verdirsə idi, indi nə Karen, nə başqası belə qələt edərdi...