FİFA-dan Niderland - Argentina matçı ilə bağlı araşdırma
FİFA Qətərdə təşkil olunmuş dünya çempionatının 1/4 final mərhələsi çərçivəsində keçirilmiş Niderland – Argentina matçında baş verən olaylarla əlaqədar araşdırmalara başlayıb.
Sports.az xəbər verir ki, bu barədə qurumun rəsmi saytı məlumat yayıb.
Hər iki komandanın futbolçularının və rəsmilərinin oyundakı gərginliyi artıran davranışları ilə əlaqədar həm Argentina, həm də Niderland futbol federasiyaları əleyhinə araşdırma aparılır. Araşdırmalar nəticəsində hər iki federasiyanın cəzalanması gözlənilir.
Xatırladaq ki, Antonio Mateu Laosun idarə etdiyi bu oyunda 17 sarı və 1 qırmızı vərəqə göstərilmişdi. Əsas vaxtı 2:2 hesabıyla bitən matçın yekununda penaltilərlə 4:3 qalib gələn argentinalılar yarımfinala yüksəliblər. Bu komandanı finala vəsiqə uğrunda Xorvatiya ilə oyun gözləyir. Qarşılaşma dekabrın 13-də baş tutacaq.
"Qətər 2022"ni ETOPAZ təqdim edir
