Azərbaycanın stolüstü tennisçiləri təlim-məşq toplanışı keçmək məqsədi ilə Türkiyəyə yollanıblar.

Sports.az xəbər verir ki, baş məşqçi Fərhad İsmayılov, məşqçilər Elnur Hidayətzadə və Ramil Cəfərovun rəhbərliyi altında 12 idmançı Yalova şəhərindəki “Masa Tennisi Salonu” kompleksində hazırlıq keçəcək.

Hilal Həsənov, Vəzir Allahverdiyev, Nihad Məmmədov, Rüstəm Hacılı, Adil Əhmədzadə, Hüseyn Eylazov, Zemfira Mikayılova, Ləman Abdulhəmidova, Səbinə Məmmədova, Xədicə Əbilzadə, Nigar Mahmudova və Aysu Ağayeva toplanış çərçivəsində İstanbul və Bursa şəhərlərində yoldaşlıq turnirlərində bacarıqlarını göstərəcəklər.

Qeyd edək ki, daha əvvəl yığmanın 8 üzvü Çində təlim-məşq toplanışına yollanmışdı.