Bu gün Azərbaycan Basketbol Liqasında 11-ci turun daha 3 oyunu reallaşacaq.

Sports.az xəbər verir ki, saat 12:30-da NTD "Abşeron"la üz-üzə gələcək.

Ardınca "Naxçıvan" "Neftçi" kollektivi ilə münasibətlərinə aydınlıq gətirəcək. Bu görüşün start fiti saat 16:30-da səslənəcək. A qrupunun hər iki matçı "Sərhədçi" İdman Mərkəzində baş tutacaq.

Günün son görüşündə "Sumqayıt" "Ordu"nu sınağa çəkəcək. Sumqayıt Olimpiya İdman Kompleksində keçiriləcək B qrupunun qarşılaşması saat 19:00-da başlayacaq.

Turun açılış matçında "Sabah" "Sərhədçi"ni 85:78 hesabı ilə məğlub edib.