“Şəki” amerikalı basketbolçusu ilə vidalaşdı

"Şəki" ABŞ-dən olan basketbolçusu Samir Styuartla yollarını ayırıb.

Sports.az xəbər verir ki, bu barədə bölgə təmsilçisi məlumat yayıb.

Komandanın kapitanı ilə müqaviləyə qarşılıqlı razılıq əsasında xitam verilib.

Bildirilib ki, ayrılığa səbəb oyunçunun Azərbaycan Basketbol Liqasının 3-cü dövrəsində baş tutmuş NTD ilə matçında ciddi zədə almasıdır.

Basketbolçu zədəsinin müalicəsinə vətəni ABŞ-də davam edəcək.