“İstedadların seçimi” yarışının 2-ci turu keçiriləcək

Martın 14-dən 15-dək cüdo üzrə U-16 yeniyetmələr arasında "İstedadların seçimi" yarışının 2-ci turu təşkil olunacaq.

Sports.az xəbər verir ki, Abşeron Olimpiya İdman Kompleksində keçiriləcək turnirdə 71 klub və idman cəmiyyətindən 358 cüdoçu (297 oğlan, 61 qız) 16 çəki dərəcəsində mübarizə aparacaq.

Yarışın keçirilməsində məqsəd milli komandanın sağlam alt bazasının formalaşdırılması, yığmaya namizəd perspektivli idmançıların müəyyən edilməsi və dayanıqlı ehtiyat bazasının yaradılmasıdır.

2-ci turun yekun reytinq sıralamasında hər çəki dərəcəsi üzrə ilk 4 pillədə qərarlaşan idmançılar "Gələcəyin ümidləri" təlim proqramına cəlb olunacaq.