“Abşeron”la “Turan”dan qələbə

Qadın voleybolçular arasında Azərbaycan Yüksək Liqasında 17-ci tura yekun vurulub.

Sports.az xəbər verir ki, son olaraq daha iki qarşılaşma baş tutub.

Əvvəlcə "Abşeron" "Gənclər"i 3:0 (25:19, 25:20, 25:17), ardınca isə "Turan" "Azərreyl" kollektivini 3:0 (25:14, 25:22, 25:18) hesabı ilə üstələyib.

Hər iki matç Azərbaycan Voleybol Federasiyasının idman zalında təşkil olunub.

Ötən gün "DH Volley" UNEC-i (3:0), "Milli Aviasiya Akademiyası" "Gəncə"ni (3:2) məğlub edib.