Çili yığmasının və “İnter”in hücumçusu Aleksis Sançes Çili millisinin futbolçularının yaşadıqları və işlədikləri şəraiti tənqid edib.

Sports.az Sançesin bu barədə fikirlərini təqdim edir:

“Mən istərdim ki, “Xuan Pinto Duran”dakı bazamızda müvafiq şərait və adicə işləyən duş olsun. Üç duş işləmir və insanlar başqa adamın yuyunmasını gözləməli olurlar. Komanda belə şəraitdə işləyə bilməz.

Evimiz olan “Kolo-Kolo” stadionunda isə mən nəcisin kanalizasiyadan birbaşa duşa axdığının şahidi oldum. Belə anlarda düşünürsən: “Bu, milli komandadır, yoxsa üçüncü divizion komandası?” Bütün bu hallar bir-birini tamamlayır”.