“WhoScored” internet-portalı cari mövsümün ilk aylarının nəticələrinə əsasən, Avropanın böyük futbol beşliyi ölkələrinin ən yaxşı futbolçularının reytinq siyahısını təqdim edib.

Sports.az xəbər verir ki, siyahıda yalnız İngiltərə Premyer Liqası, İspaniya La Liqası, İtaliya A Seriyası, Almaniya Bundesliqası və Fransa Liqa 1-in oyunçuları yer alıblar.

Reytinq siyahısına Frankfurt “Ayntraxt”ının 25 yaşlı misirli hücumçusu Ömər Marmuş başçılıq edir.

“WhoScored” portalına görə mövsümün ən yaxşı oyunçularından ibarət onluğu təqdim edirik:

1. Ömər Marmuş (“Ayntraxt” (Frankfurt)) – 8,49 bal;
2. Bukayo Saka (“Arsenal”) – 8,25 bal;
3. Lamin Yamal (“Barselona”) – 8,19 bal;
4. Erlinq Haland (“Mançester Siti”) – 8,11 bal;
5. Koul Palmer (“Çelsi”) – 7,96 bal;
6. Rafinya (“Barselona”) – 7,93 bal;
7-8. Harri Keyn (“Bayern”) – 7,92 bal;
7-8. Usman Dembele (PSJ) – 7,92 bal;
9-10. Florian Virts (“Bayer”) – 7,91 bal;
9-10. Covani Lo Çelso (“Betis”) – 7,91 bal.