Dünya futbolu
Sesar Navas “Rubin”in “Barselona” üzərində tarixi səfər qələbəsini xatırladı
21.10.2024 | 21:15
Düz 15 il əvvəl, 2009-cu ilin oktyabr ayının 20-də Çempionlar Liqasının qrup mərhələsinin səfər oyununda Kazan “Rubin”i Kataloniya nəhəngi “Barselona” üzərində 2:1 hesablı qələbə qazanıb.
Sports.az xəbər verir ki, “Rubin”in ispan keçmiş futbolçusu Sesar Navas “blauqrana” üzərində həmin qalibiyyətlə bağlı xatirəsini paylaşıb:
“İspaniyada Çempionlar Liqasında “Barselona” üzərində belə yüksək səviyyədə qazanılmış o möhtəşəm qələbə bizim necə böyük komanda olduğumuzu göstərdi. Bəxtimə bu komandanın bir hissəsi olmaqda böyük sevinc və uğur düşüb. Bu, unudulmaz bir mövsüm idi!”