Dünya futbolu
“Qarabağ”ın rəqibləri Türkiyə və Portuqaliya sınağında
23.10.2024 | 11:45
Türkiyənin "Qalatasaray" klubu bu gün UEFA Avropa Liqasının Liqa mərhələsində "Qarabağ"ın rəqibi ilə üz-üzə gələcək.
Sports.az xəbər verir ki, İstanbul təmsilçisi 3-cü turda İsveçin "Elfsborq" kollektivini qəbul edəcək.
Azərbaycan çempionunun bu turnirdəki digər rəqiblərindən olan Norveçin "Bodo Qlimt" komandası isə Portuqaliyada "Braqa"nın qonağı olacaq.
Hər iki qarşılaşma Bakı vaxtı ilə saat 18:30-da start götürəcək.
"Qarabağ" noyabrın 7-də "Bodo Qlimt"in, dekabrın 11-də isə "Elfsborq"un qonağı olacaq. UEFA Avropa Liqasının Liqa mərhələsinin digər matçları oktyabrın 24-də təşkil olunacaq.