Moskva “Spartak”ında çıxış edən braziliyalı mərkəz hücumçusu Villian Joze “Palmeyras”a keçməyəcək.

Sports.az xəbər verir ki, Braziliya klubu Moskva klubunun futbolçusu ilə maraqlanmır.

Xatırladaq ki, 32 yaşlı hücumçu cari ilin yay transfer pəncərəsində “Betis”dən “Spartak”a keçib. Keçid əməliyyatının qiyməti 4 milyon avro məbləğ təşkil edib. Villian Joze Rusiya nəhəngi ilə 2 illik əmək müqaviləsi imzalayıb.