“Bayer”in baş məşqçisi Xabi Alonso gələcəkdə “Real”ın baş məşqçisi vəzifəsinə təyinatı məsələsində Madrid klubu ilə şifahi razılaşmaya yaxındır.

Sports.az xəbər verir ki, İspaniya nəhənginin prezidenti Florentino Peres bir neçə aydır ki, Alonsonun ətrafı ilə birbaşa əlaqə saxlayır və hazırda ispan mütəxəssis razılığa gəlmək məsələsində “hə” deməyə çox yaxındır.

Bu, “qaymaqlılar”ın İspaniya La Liqasında “Barselona”ya (0:4) və Çempionlar Liqasında “Milan”a (1:3) məğlub olduğu son oyunlardakı inamsız çıxışı mənzərəsində baş verir. “Real”ın baş məşqçisi, italyan mütəxəsiss Karlo Ançelotti cari mövsümdə istefaya göndərilərsə, Florentino Peres, Xabi Alonso yeni daimi baş məşqçi təyin ediləcəyi gələn ilin yayına qədər “qaymaqlılar”ın sükanını klubun əfsanəsi Raula həvalə etməyə hazırdır.