“Mançester Yunayted”in argentinalı cinah hücumçusu Alexandro Qarnaço İspaniyanın iki nəhənginin maraq dairəsindədir.

Sports.az xəbər verir ki, 20 yaşlı futbolçunun inkişafı “Barselona” və “Real” tərəfindən diqqətlə müşahidə edilir.

Bildirilir ki, İspaniya nəhənglərinin nümayəndələri argentinalı futbolçunun istedadını yüksək qiymətləndirirlər. “Qırmızı şeytanlar”ın parlamaqda olan ulduzunun səhmləri transfer bazarında bahalaşır. Amma vurğulanır ki, “Mançester Yunayted” yeni idman layihəsi çərçivəsində klubun itirilmiş mövqelərini qaytarmaq niyyətindədir və heç bir ulduzu ilə ayrılmağa razı olmayacaq.