İtalyan mərkəz müdafiəçisi Rikardo Kalafyori “Arsenal” əvəzinə “Real”a keçə bilərmiş.

Sports.az xatırladır ki, cari ilin iyul ayının sonunda “topçular” italyan futbolçunu təxminən 45 milyon avro məbləğ müqabilində “Bolonya”dan satın alıblar.

22 yaşlı müdafiəçiyə iddia edən İspaniya nəhəngi “Real” isə transfer qiymətinin çox yüksək olduğunu əsas gətirərək, Kalafyorini satın almaqdan imtina edib.

Xatırladaq ki, “Real” bənzər bir səbəbə görə, “Lill”in fransalı müdafiəçisi Leni Yorodan imtina etmiş və nəticədə perspektivli müdafiəçini “Mançester Yunayted” öz heyətinə qatmışdı.