“Mançester Siti”nin braziliyalı qapıçısı Ederson gələn il Səudiyyə Ərəbistanına köçə bilər, belə ki, ərəb ölkəsindən qapıçıya maraq hələ də qalmaqdadır.

Sports.az xəbər verir ki, “şəhərlilər” bu ehtimalı nəzərə alıb, braziliyalı qapıçıya layiqli əvəz axtarışına çıxıblar.

“Mançester Siti” “Milan”dan fransalı qapıçı Mayk Menyanı bu məqsədlə ən mükəmməl əvəz hesab edir.

Vurğulanır ki, “şəhərlilər”in ispan baş məşqçisi Xosep Qvardiola topla oynaya bilən qapıçıları qiymətləndirir, ona görə də Menyan “Mançester Siti” üçün cəlbedici seçim olaraq qalır.