“Liverpul” “qırmızılar”ın ingilis sağ cinah müdafiəçisi Trent Aleksander-Arnoldu klubda saxlamaq fürsəti qazanıb.

Sports.az xəbər verir ki, “Real”ın qarşıdakı qış trasnfer pəncərəsində heç bir yeni oyunçu almaq niyyəttində olmadığı məlum olduqdan sonra, “qaymaqlılar”ın ciddi maraq dairəsində olan Aleksander-Arnold da qış fasiləsində Madrid klubuna keçməyəcək.

“Liverpul” bu fürsətdən istifadə edib Aleksander-Arnoldu klubda saxlamaq üçün bütün imkanlarını səfərbər edib. “Qırmızılar” futbolçuya sərfəli maddi şərtlər təklif etməklə yanaşı, cari mövsümdə komandanın uğurlu çıxışına diqqət yetirməsini tövsiyə edəcəklər. Belə ki, “Liverpul” rəhbərliyi bir idman layihəsi kimi “qırmızılar”ın iddiasının “Real”dan heç də əskik olmadığı qənaətindədir.