“Real”ın baş məşqçisi Karlo Ançelotti cari mövsümü heç bir yeni oyunçu almadan başa vurmaq niyyətindədir.

Sports.az xəbər verir ki, italyan mütəxəssis komandanın zədəli əsas müdafiəçiləri Eder Militao və Daniel Karvaxalın yoxluğunu fransalı dayaq yarımmüdafiəçisi Orelyen Tçuameni ilə sığortalamaq fikrindədir.

Klub rəhbərliyi də qışda mərkəz müdafiəçisi almaq üçün transfer bazarına çıxmaq niyyətində deyil. Klub hesab edir ki, hazırda heyətin əsas oyunçularının müvəqqəti əvəz edilməsi üçün artıq pul xərcləməyə gərək yoxdur. Belə ki, “Real” akademiyasının məzunları bu fürsətdən yararlana və tərəqqi edə bilərlər ki, bu da “qaymaqlılar”ın strateji həlli kimi qiymətləndirilir.