“Real”ın maraq göstərdiyi, “Bayer”in ispan baş məşqçisi Xabi Alonso gələcəyi ilə bağlı qərarını 2025-ci ilin martında verəcək.

Sports.az xəbər verir ki, daha əvvəl mətbuatda, ispan mütəxəssisin 2025-ci ilin yayında “qaymaqlılar”ın sükanı arxasına keçəcəyi haqda məlumat yayılsa da, hazırda bununla bağlı tərəflər arasında razılaşma yoxdur.

Vurğulayaq ki, “Real” Xabi Alonsonu “qaymaqlılar”ın cari baş məşqçisi, italyan mütəxəssis Karlo Ançelottinin uğurlu yolunu davam etdirməyə ən gerçək namizəd olaraq nəzərdən keçirir. Həmçinin “Kral klubu” bu yolla “əczaçılar”ın alman hücumameylli yarımmüdafiəçisi Florian Virtsi də “qaymaqlılar”ın düşərgəsinə cəlb etmək məqsədini güdür.