Belçika yığmasının baş məşqçisi, italyan-alman mütəxəssis Domeniko Tedeskonu əvəzləməyə əsas namizəd Şotlandiya “Reyncers”inin baş məşqçisi, belçikalı mütəxəssis Filipp Klemandır.

Sports.az xəbər verir ki, Belçika Kral Futbol Assosiasiyası (RBFA) Tedeskonu, “qırmızı şeytanlar”ın UEFA Millətlər Liqası oyununda İsrail yığmasına 0:1 hesablı gözlənilməz səfər məğlubiyyətindən sonra istefaya göndərilmək ərəfəsindədir.

Vurğulanır ki, “Reyncers”in rəhbərliyi belçikalı mütəxəssisin istəyi müqabilində onu Belçika yığmasına buraxmağa hazırdır.