“Barselona” “Liverpul”un misirli ulduz hücumçusu Məhəmməd Salaha olan marağından daşınıb.

Sports.az xəbər verir ki, Kataloniya klubunun rəhbərliyi misirli ulduzu transfer etmək fikrindən imtina etmək qərarına gəlib.

“Barselona”nın bu seçimi, Salahın alınmasının “blauqrana”nın başlanğıc heyətində sabit oyunçuya çevrilmiş, 17 yaşlı ispaniyalı cinah hücumçusu Lamin Yamalın tərəqqisinə mane olacağı qorxusu ilə bağlıdır.

“Barselona” rəhbərliyi bu mənzərədə “blauqrana”nın braziliyalı cinah hücumçusu Rafinyanın tərəqqisindən də məmnundur.