“Real” “qaymaqlılar”ın müdafiə xəttinin sağ cinahını uruqvaylı mərkəz yarımmüdafiəçisi Federiko Valverdeyə həvalə edəcək.

Sports.az xəbər verir ki, italyan mütəxəssis Karlo Ançelottinin rəhbərlik etdiyi məşqçilər qərargahını müvafiq qərara, “qaymaqlılar”ın ispan sağ cinah müdafiəçiləri – Daniel Karvaxalın ağır zədələnərək, cari mövsümün sonuna qədər sıradan çıxması və Lukas Vaskesin əzələ zədəsi alaraq üç həftəlik müddətə futbolsuz qalmalı olduğu gerçəyi təhrik edib.

Vurğulanır ki, “Real” çətin vəziyyətdən klubun öz ehtiyat qüvvələri hesabına, transferlərə izafi xərc çəkmədən çıxmaq istəyir. Ciddi zərurət yaranarsa, “Real” klub akademiyasından oyunçuları əsas komandaya cəlb edəcək.