“Arsenal” “Kristal Pelas”la İngiltərə Premyer Liqasının 17-ci tur səfər oyununda (5:1) zədələnmiş, “topçular”ın ingiltərəli cinah hücumçusu Bukayo Sakaya əvəzedici qismində, “Milan”ın 25 yaşlı nigeriyalı cinah hücumçusu Samuel Çukvuezeni (Çukvueze) nəzərdən keçirir.

Sports.az xəbər verir ki, “topçular” və “rossoneri” təxminən eyni transfer qiyməti olan polyak müdafiəçi Yakub Kivyoru və Samuel Çukvueze mübadiləsini həyata keçirə bilərlər.

“Milan” polyak futbolçu ilə maraqlanır, çünki qışda “Yuventus”un iddia etdiyi ingiltərəli müdafiəçi Fikayo Tomori “rossoneri”nin düşərgəsini tərk edə bilər.

Xatırladaq ki daha əvvəl “Arsenal”ın ispan baş məşqçisi Mikel Arteta Sakanın iki aydan artıq müddətə yaşıl meydanlardan kənarda qalacağını bildirmişdi.