“Əl-Hilal”ın braziliyalı ulduz hücumçusu Neymarın peşəkar futoblçu karyerasına başladığı “Santos” klubu, futbolçunun 6 aylıq müddətə icarəsi ilə bağlı Səudiyyə Ərəbistanı klubu ilə danışıqlar aparır.

Sports.az xəbər verir ki, Santos Neymarın atası üçün təqdimat keçirib və orada süni zəkanın yaratdığı video nümayiş etdirilib.

Videoda dünya futbolunun braziliyalı əfsanəsi Pelenin səsi səslənib və “Futbol Kralı” Neymarın atasına oğlunun niyə doğma klubuna qayıtmalı olduğunu bildirib. Gördükləri ata Neymarı çox təsirləndirib.